Кыргыз Республикасынын Премьер-Министринин 2014-жылдын 24-сентябрындагы № 407 буйругу менен Чүй облусунун Москва районунун Предтеченка айыл өкмөтүнүн башчысы М.К. Карагулов Чүй облусунун Москва районунун мамлекеттик администрация башчысынын – акиминин орун басары болуп дайындалды.

Ош облусунун Өзгөн райондук мамлекеттик администрациясынын башчысы – акиминин 2014-жылдын 25-сентябрындагы № 267-б буйругу менен Ош облусунун Өзгөн районунун Чангет айыл өкмөтүнүн башчысы Акматов Д.Н., Чүй облусунун Жайыл райондук мамлекеттик администрациясынын башчысы – акиминин 2014-жылдын 29-сентябрындагы № 243-р буйругу менен Чүй облусунун Жайыл районунун Кызыл-Дыйкан айыл өкмөтүнүн башчысы Манапов А.К. өздөрүнүн берген арыздарынын негизинде ээлеген кызмат ордуларынан бошотулган.

Кыргыз Республикасынын Шайлоо жана референдум өткөрүү боюнча борбордук комиссиясынын 2014-жылдын 16-сентябрындагы № 108 токтому менен дайындалган Нарын облусунун Ак-Талаа районунун Тоголок-Молдо айыл өкмөтүнүн башчысын шайлоо талапкерлер катталбагандыгына байланыштуу өткөрүлгөн жок.

«Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 6, 7-беренелерине, “Жергиликтүү өз алдынча башкаруу жөнүндө” Кыргыз Республикасынын Мыйзамынын 49-беренесине, Кыргыз Республикасынын Шайлоо жана референдум өткөрүү боюнча борбордук комиссиясынын 2011-жылдын 27-декабрындагы № 423 токтому менен бекитилген “Айыл өкмөтүнүн башчысын шайлоонун тартиби жөнүндө” жобосуна ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Жергиликтүү өз алдынча башкаруусунун аткаруу органдарынын башчыларын шайлоо тиркемеге ылайык 2014-жылдын 24-октябрына саат 10-00 дайындалсын.

2. Нарын облусунун Ак-Талаа районунун Тоголок-Молдо айыл өкмөтүнүн башчысын кайра шайлоо тиркемеге ылайык 2014-жылдын 21-октябрына саат 10-00 дайындалсын.

3. Москва, Өзгөн, Жайыл, Ак-Талаа аймактык шайлоо комиссиялары шайлоону мыйзамдарда бекитилген тартипте өткөрүүнү уюштурсун.

4. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

5. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын аппаратынын жетекчиси Б. Т. Бейшенкуловго жүктөлсүн.

ТӨРАГА                                                             Т. АБДРАИМОВ

Бишкек ш., 2014-жылдын 7-октябры

№ 116

Кыргыз Республикасынын Шайлоо жана референдум

өткөрүү боюнча борбордук комиссиясынын

2014-жылдын 7-октябрындагы

№ 116 токтомуна тиркеме

Кыргыз Республикасынын жергиликтүү өз алдынча башкаруунун айрым аткаруу органынын башчыларын шайлоолорду өткөрүүнүн графиги