Кыргыз Республикасынын Шайлоо жана референдум өткөрүү боюнча борбордук комиссиясы Кыргыз Республикасынын Президентин шайлоодо дүйнөнүн 56 өлкөсү көргөзгөн 47 эл аралык уюмдардан 725 эл аралык байкочуларды аккредитациялаган.
Кыргыз Республикасынын Шайлоо жана референдум өткөрүү боюнча борбордук комиссиясы алдыдагы шайлоолорду ачык – айкын өткөрүү максатында эл аралык уюмдарга, анын ичинде БДИПЧ/ОБСЕ, ОБСЕнин Парламенттик ассамблеясына Кыргыз Республикасынын Президентин шайлоону даярдоо жана өткөрүүнүн жүрүшүн байкоого катышууга чакырган.
Кыргыз Республикасынын Шайлоо жана референдум өткөрүү боюнча борбордук комиссиясы Кыргыз Республикасында өткөрүлгөн бардык шайлоо жана референдумдарга ОБСЕни чакыргандыгын белгилей кетүү маанилүү. Алсак, өткөн 2010-жылдагы Парламенттик шайлоолордо БДИПЧ/ОБСЕнин 257 өкүлү, ОБСЕ Парламентинин Ассамблеясыннын 9 өкүлү жана ОБСЕнин борборунан 2 өкүл аккредитацияланган.
Эл аралык уюмдарды чакырууда Кыргыз Рспубликасынын Шайлоо жана референдум өткөрүү боюнча борбордук комиссиясынын 2011-жылдын 11-июлундагы № 14 токтому менен бекитилген “2011-жылдын 30-октябрында Кыргыз Республикасынын Президентин шайлоодо эл аралык (чет элдик) байкоочулардын иш-аракеттеринин, статусунун жана ыйгарым укуктарынын тартиби жөнүндө” Жобо менен белгиленген аккредитациялоонун мөөнөттөрү көрсөтүлгөн. Жободо аккредитациялоого паспортун көчүрмөлөрү менен бирге арыздардын формалары тапшыра тургандыгы белгиленген. Ошондой эле, арызда толтуруу тартиби боюнча түшүдүрмөлөр берилген.
Бирок, БДИПЧ/ОБСЕнин өкүлдөрүнүн аккредитациялоого документтери аларды толтуруунун белгиленген тартибине ылайык эмес түзүлгөн. Алсак, паспорттун сапатсыз көчүрмөлөрү берилген, ошондой эле аккредитациялоого арыздардын формалары туура эмес толтурулган.
Ошого карабастан, Кыргыз Республикасынын Шайлоо жана референдум өткөрүү боюнча борбордук комиссиясы БДИПЧ/ОБСЕнин 285 байкоочуларын аккредитациялаган. БДИПЧ/ОБСЕнин 67 кыска мөөнөттөгү байкоочулары аккредитацияланбаган. Бул эң эле көп эл аралык байкоочуларды сунуштаган эл аралык уюм. Мындан тышкары, ОБСЕ Парламентинин 38 эл аралык байкоочулары аккредитацияланган.
Кыргыз Республикасынын Борбордук шайлоо комиссиясынын Басма сөз кызматы
| 
