| Бүгүн 2015-жылдын 20-октябрында кыргыз республикасынын Шайлоо жана референдум өткөрүү боюнча борбордук комиссиясынын кезектеги жыйыны болуп өттү.
Жыйындын жүрүшүндө БШК мүчөлөрү «Бүтүн Кыргызстан – Эмгек» саясий партиясынын арыздарын карашты. «Бүтүн Кыргызстан – Эмгек» саясий партиясынын арыздарын карап чыгып, «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 35-37, 43-45-беренелеринин негизинде жана «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 6, 7, 18-беренелерин жетекчиликке алып, бул маселени карап чыккандан кийин жыйынтыгы боюнча Боршайком тарабынан «Бүтүн Кыргызстан – Эмгек» саясий партиясынын арызын канааттандыруудан баш тартуу чечимин кабыл алды.
Ошондой эле БШК мүчөлөрү «Республика – Ата Журт» жана «Өнүгүү–Прогресс» саясий партияларынан депутаттыкка талапкерлеринин ичинен айрымдарынын партиянын тизмесинен чыгып калуу тууралуу даттанууларын карап чыгышты.
БШК мүчөлөрү төмөнкүлөрдү маалымат катары кабыл алышты: партиянын жана алардын ыйгарым укуктуу өкүлдөрүнүн аракеттери партия ичиндеги өз ара келишүүчүлүктөрү менен шартталган. Ушуга байланыштуу, талапкерлер жана аларды сунуш кылган партиялар ич ара талаш маселелерди чечип алышы керек. Талапкерлерди каттоо боюнча Борбордук шайлоо комиссиясынын чечимдерин жокко чыгаруу ошол талапкерлерди алар көрсөтүлгөн тизмеден чыгаруу партиянын чечимине негизделген жана саясий партиянын иш аракеттеринин укуктук чечими болуп саналат. Натыйжада чечим кабыл алынган (БШКнын сайтында жарыяланган).
|
