Үстүбүздөгү жылдын 16-апрелинде Кыргыз Республикасынын Шайлоо жана референдум өткөрүү боюнча борбордук комиссиясынын токтому менен жергиликтүү кеңештеринин депутаттыгына талапкерлерге бош калган депутаттык мандаттарды өткөрүп берүү жөнүндөгү айрым аймактык шайлоо комиссиялардын чечимдери бекитилди.

«Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамына ылайык, бош калган депутаттык мандаттарды шайланган депутаттан кийин турган талапкерге өткөрүлүп берилет. 

Тиешелүү аймактык шайлоо комиссиялары жергиликтүү кеңештердин шайланган депутаттарына белгиленген үлгүдөгү күбөлүктөрдү жана төш белгилерди берет.

БШКнын басма сөз кызматы